"Тинчланинг, гол ураман"! Гвардиола Холанднинг омадсизлигини эслади

Пеп Гвардиола шогирди Эрлинг Холанд ҳақида фикр билдирди. 

"Англия Суперкубогидан ўрин олган ўйинни яхши эслайман. "Манчестер Сити" "Ливерпуль"га 1:3 ҳисобида ютқазганди. Холанд юз фоизлик вазиятдан гол ура олмаганди. Мен ўша пайтдаги барча мемларни ва одамлар у ҳақида саблий фикрлар билдирганини эслайман. 

Ўша пайтда бир-биримизни яхши танимасдик, атиги бир ой бирга ишладик. Ўша пайти у менга: "Тинчланинг, гол ураман", деди. 

Холанднинг ўзига бўлган ишончи ақл бовар қилмас даражада. У ўзини нима бўлишидан қатъи назар йўқотмайди. Футболчининг даражаси муваффақиятсизликка бўлган реакциясига қараб аниқланади", - деди "шаҳарликлар" устози.