Тите: Месси менга жим бўлишимни айтди

Аргентина терма жамоаси сардори Лионель Месси кеча Бразилияга қарши бўлиб ўтган ўртоқлик ўйини (0:1) мобайнида "пентакампеонлар" устози Титега нисбатан қўпол муомалада бўлган. Бунга сабаб сифатида 32 ёшли ҳужумчи Копа Aмерика-2019 доирасида ҳакамлар Бразилияга ён босган деган фикрдан қайтмаганлигини кўрсатиш мумкин.

"Месси менга жим бўлишимни айтди. У сариқ карточка билан жазоланиши керак эди. Ҳакам бу вазиятга эъътибор бермади", - деди бразилиялик мутахассис.

Эслатиб ўтамиз, кеча Месси 3 ойлик дисквалификациядан кейинги дастлабки ўйинини Бразилияга қарши ўртоқлик учрашувида ўтказди ва ягона голга муаллифлик қилди.