Tite Neymar manziliga kelgan tanqidlardan uni himoya qildi!

Braziliya terma jamoasi bosh murabbiyi Tite so‘nggi paytlarda "pentakampeonlar" safida samarali harakatlar amalga oshira olmay, ko‘p xatolarga yo‘l qo‘yayotgan Neymarni himoya qildi. 

"Bilaman, undan har doim o‘ziga hos harakatlar kutiladi. Ha, Neymar o‘zgacha futbolchi va maydonda juda kreativ. Biroq u har safar muvaffaqiyat qozonmaydi. So‘nggi baxsda u qattiq qo‘riqlandi. Ba’zida ikki raqib unga qarshi o‘ynagan holatlar ham bo‘ldi", - dedi bosh murabbiy. 

Bugun tongda Braziliya - Kolumbiya bahsi bo‘lib o‘tdi va unda 0:0 hisobi qayd etildi.  29 yoshli vinger Qatardagi Jahon chempionati u uchun so‘nggisi bo‘lishi mumkinligini aytdi.