Tohir Shamsiddinov va Jamoliddin Ubaydullaev "Buxoro"da ko‘rikdan o‘tmoqda

Yakuniga etgan mavsum Superliganing kuchli oltiligiga kira olgan “Buxoro” yangi mavsumga tayyorgarlik jarayonini boshlab yuborgan.

SPORTS.uz’ga ma’lum bo‘lishicha o‘tgan mavsumni Jizzaxning “So‘g‘diyona” jamoasida yakunlagan himoyachi Tohir Shamsiddinov 3 yanvardan boshlab “Buxoro” yig‘inida ishtirok etmoqda. Shuningdek buxoroliklar safiga “Mash’al”dan Jamoliddin Ubaydullaev ham kelib qo‘shilgan.

Bizga etib kelgan xabarlarga qaraganda o‘tgan mavsumni “Neftchi” safida o‘tkazgan aksariyat futbolchilarning “Buxoro”ga kelishi kutilmoqda.

Eslatib o‘tamiz, Baxtiyor Ashurmatov boshchiligidagi jamoa ayni damda Buxoro sport majmuasi maydonida mashg‘ulotlar olib bormoqda.