Тожикистон терма жамоасига Суперлигамиздаги легионерлардан кимлар чақирилди?

ФИФА кунлари муносабати билан терма жамоалар расмий ва норасмий ўйинлар учун тайёргарлик кўришмоқда.

Жумладан, Тожикистон терма жамоаси 20 март куни Душанбеда Беларусь термасига қарши ўртоқлик учрашувида майдонга тушади. 25 март куни эса “Осиё Кубоги-2027” саралаш раунди доирасида Шарқий Тимор терма жамоасини қабул қилади.

Бош мураббий Гела Шекиладзе бўлажак ўйинлар учун чақирган ўйинчилар орасида Ўзбекистон Суперлигасида тўп сураётган легионелари ҳам бор. Жумладан, “Сўғдиёна”дан Зоир Жўрабоев ва Эхсони Паншанбе, “Динамо”дан Манучехр Сафаров, “Хоразм” клубидан Шахром Самиев ва “Шўртан”дан Далер Шарипов таклиф қилинди.