Tojikistonlik himoyachi Germaniyadan voz kechib, O‘zbekistonda qoladigan bo‘ldi!

"So‘g‘diyona" klubi a’zosi Zoir Jo‘raboev jamoada qoladigan bo‘ldi. Bu haqda futbolchining agenti ma’lum qildi.

Unga ko‘ra, Jo‘raboev jizzaxliklar bilan shartnomani bir mavsumga uzaytirdi. Avvalroq Zoirga Germaniya Bundesligasining 2-divizion vakili "Holshteyn"dan qiziqish bo‘lgan edi. Shu tariqa, ushbu transfer amalga oshmay qoldi.

Ma’lumot uchun, tojikistonlik himoyachi Superliganing yakunlangan mavsumida 27 ta bahsda maydonga tushib, 2 ta gol va 1 ta assist qayd etdi. Uning Transfermarkt portalidagi bahosi 600 ming evroni tashkil qiladi.