Токио-2020, 2-саралаш босқичи. Эдита Миробидова Хитой Тайпейи - Эрон учрашувини бошқарди

Кеча ҳамюртимиз Эдита Миробидова Токио-2020 2-саралаш босқичидан ўрин олган "С" гуруҳидаги Хитой Тайпейи ва Эрон аёллар олимпия терма жамоалари ўртасидаги ўйинни бошқариб борди. Учрашув 4:1 ҳисобида Хитой Тайпейи терма жамоасининг ғалабаси билан якунига етди.

Бундан ташқари, яна бир ҳамюртимиз Зилола Раҳматова кеча "А" гуруҳидан ўрин олган Индонезия - Непал ўйинида ёрдамчи ҳакам сифатида ишлади. Мазкур ўйинда Непал 2:1 ҳисобида ғалаба қозонди.