Tokio-2020. Ikki nafar para suzuvchimiz finalda ishtirok etdi

Bundan biroz avval ayollar o‘rtasida 100 metrga chalqancha usulda suzish bo‘yicha ikki nafar hamyurtimiz - Shohsanamxon Toshpo‘latova hamda Nigoraxon Mirzohidova final bahsida ishtirok etdi.

Afsuski, sportchilarimiz medallar uchun kechgan bahsda Shohsanamxon Toshpo‘latova 1:08.37 vaqt bilan 5-o‘rinni, Nigoraxon Mirzohidova esa 1:09.85 vaqt bilan 7-o‘rinni egalladi.

Ma’lumot uchun, Shohsanamxon Toshpo‘latova Tokio-2020 yozgi Paralimpiya o‘yinlarida yana 4 ta yo‘nalishda: 400 metr erkin, 50 metr erkin, 200 metr kompleks va 100 metr brass usulida suzish bo‘yicha bahslarda ishtirok etadi.

Nigoraxon Mirzohidovada ham hali Paralimpiya o‘yinlarida medal qo‘lga kiritish imkoniyati mavjud. Ushbu sportchimiz 50 metr erkin usulda suzish bo‘yicha bahslarda qatnashadi.

Sportchilarimizga bo‘lajak bahslarda omad tilab qolamiz.