Токио-2020. Олимпиаданинг бугунги куни вакилларимиз учун қандай ўтди?

Ассалому алайкум, муҳтарам спорт ихлосмандлари! Токио шаҳри мезбонлик қилаётган Олимпия ўйинларининг энг сўнгги янгиликларини эътиборингизга ҳавола этишда давом этамиз. Бугун, 1 август куни 5 нафар юртдошимиз ўз юришини бошлайди. Кун давомида уларнинг натижаларини онлайн ёритиб борамиз! Янгиликларни SPORTS.uz сайти орқали кузатиб боринг!

17:05. Спортчиларимизнинг бугунги чиқишлари якунига етди. Бизни кузатиб борганингиз учун катта раҳмат!

17:03. Кумушхон Файзуллаева силтаб кўтаришнинг сўнгги уринишида 130 кг тошни кўтара олмади. Шу тариқа, Кумушхон "А" гуруҳида 7-ўринни эгаллади. 

17:00. Икинчи уринишда вакилимиз 126 кг тошни кўтарди

16:58. Кумушхон Файзуллаева силтаб кўтаришнинг дастлабки уринишида 122 кг тошни бўйсундирди.

16:57. Кумушхон Файзуллаева силтаб кўтаришдаги ўз юришини бошламоқда

16:08. Даст кўтаришнинг сўнгги уринишида Кумушхон 101 кг тошни бўйсиндирди.

16:05. Иккинчи уринишда вакиламиз 101 кг тошни кўтара олмади.

16:03. Файзуллаева даст кўтаришнинг илк уринишида 97 кг тошни бўйсундирди.

15:59. Оғир атлетика: -76 кг вазн тоифасида мамлакатимиз шарафини ҳимоя қилаётган Кумушхон Файзуллаева ўз иштирокини бошламоқда.

15:07. Элмурат Тасмуродов ва Мўминжон Абдуллаевнинг иккисида ҳам бронза учун имконият қолмади. Уларнинг рақиблари ҳам финалга йўлланмани қўлга кирита олмади.

9:42. Энди Жалолов 4 август куни финал йўлланмаси учун буюк британиялик Фрейзер Кларк қарши рингга кўтарилади.

9:22. Баҳодир Жалолов ҳиндистонлик рақибини 5:0 ҳисобида ғалаба қозониб, кейинги босқичга йўл олди. Боксдаги илк медаль нақд? Биласиз, бокс беллашувларида ярим финалда имкониятни бой берган спортчи бронза медали билан тақдирланади. Баҳодирдан олтин медали кутиб қоламиз.

9:17. Иккинчи раундни ҳам барча ҳакамлар Жалолов фойдасига кўрсатди.

9:15. Биринчи раундни Баҳодир Жалолов ўз фойдасига ҳал этди

8:51. Бокс: Бироздан сўнг Баҳодир Жалоловнинг жанги бошланади. У чорак финалда ҳиндистонлик Сатиш Кумарга қарши рингга кўтарилади.

8:50. Мўминжон Абдуллаев ҳам мағлубиятга учради. Спортчимиз 0:2 ҳисобида чилилик рақибига ютқазиб қўйди. Абдуллаевда ҳам бронза медали учун имкон бор. Агар унинг рақиби финалга қадар етиб борса, Мўминжон бронза медали учун гиламга чиқади.

8:46. Дастлабки 3 дақиқа ортда қолди. Ҳозирча вакилимиз 0:1 ҳисобида имкониятни бой бермоқда.

8:43. Мўминжон Абдуллаев ярим финал йўлланмаси учун чилилик Ясмани Фернандес билан курашади.

7:39. ҒАЛАБААА! Мўминжон Абдуллаев рақибига ҳеч қандай имконият қолдирмади. Вакилимиз Артур Вититинни 8:0 ҳисобида мағлуб этди ва чорак финалга йўл олди.

7:30. Юнон рум кураши: - 130 кг вазндаги вакилими Мўминжон Абдуллаев эстонияликр рақиби Артур Вититинга қарши баҳс олиб боради. Курашчилар гиламга чиқиб келмоқда

7:25. Тасмурадов украиналик курашчига 0:5 ҳисобида имкониятни бой берди. Энди Темиров финалга етиб борган тақдирда Тасмурадов бронза медали учун курашиш имкониятини сақлаб қолади.

7:21. Биринчи бўлимда сўнг вакилимиз украиналик спортчи Ленур Темировга 0:1 ҳисобида имкониятни бой бермоқда

7:12. Юнон рум кураши. - 60 кг вазнда юртимиз шарафини ҳимоя қилаётган Элмурат Тасмурадов гиламга чиқиб келмоқда.

6:56. Дарья Резниченко сўнгги уринишда 6.19 натижа кўрсатди. Шу тариқа, ҳамюртимиз саралаш босқичида 13-ўринни эгаллаб, ўз юришини тўхтатди. 

6:30. Иккинчи уринишда вакиламиз 5.94 натижа қайд этди. Дарья ҳисобида яна битта уриниш қолди.

6:18. Енгил атлетика: Айёлар ўртасида узунликка сакраш бўйича "B" гуруҳ саралаш баҳслари старт олди. Ҳамюртимиз Дарья Резниченко биринчи уринишда 5.92 натижа қайд этди.

Қуйида бугун ўз иштирокини ўтказадиган спортчиларимиз билан танишиб олишингиз мумкин:

1.Дарья Резниченко (енгил атлетика, аёллар, узунликка сакраш, саралаш "B" гуруҳи ) – 05:50

2.Баҳодир Жалолов (бокс, эркаклар, +91 кг) – 09:06

3.Мўминжон Абдуллаев (юнон рум кураши, эркаклар, -130 кг) –

4.Элмурат Тасмуродов (юнон рум кураши, эркаклар, -60 кг) –

5.Кумушхон Файзуллаева (оғир атлетика, аёллар, -76 кг) – 15:50