"Tokio-2020" Paralimpiya o‘yinlarida kimlar bayroqdor bo‘lishi e’lon qilindi

Avval xabar berganimizdek, bugun O‘zbekiston paralimpiya sport delegatsiyasini "Tokio-2020" yozgi Paralimpiya o‘yinlariga tantanali kuzatish marosimi bo‘lib o‘tdi.

Shu kuni para engil atletika bo‘yicha ikki nafar sportchimiz – Muhammad Rexsimov hamda Nurxon Qurbonova Paralimpiya o‘yinlarining tantanali ochilish marosimida O‘zbekiston sport delegatsiyasining bayroqdorlari sifatida ishtirok etishi e’lon qilindi.

Eslatib o‘tamiz, XVI yozgi Paralimpiya o‘yinlari joriy yilning 24 avgust – 5 sentyabr kunlari bo‘lib o‘tadi.

O‘zbekiston Milliy paralimpiya qo‘mitasi matbuot xizmati