Токио-2020. Шоҳсанам Тошпўлатова финалда!

Ҳозиргина пара сузишнинг S13 классида аёллар ўртасида 400 метрга комплекс усулда сузиш бўйича саралаш баҳслари якунланди.

Эътиборлиси, ҳамюртимиз Шохсанамхон Тошпўлатова 4:43.98 дақиқа вақт билан 2-ўринни эгаллаган ҳолда финалга йўлланмани қўлга киритди.

Маълумот учун, Шохсанамхон Тошпўлатова иштирокидаги финал баҳси бугун Тошкент вақти билан соат 15:33 да бошланади. Медаллар учун курашда спортчимизга омад тилаймиз!