Токио Олимпиадасида олинган барча допинг-синамалар доимий қўриқланади
Токио Олимпиадаси давомида олинган барча допинг-синамалар доимий қўриқланади. Бу ҳақда Халқаро тестлаш агентлигининг (ITA) матбуот хизмати хабар қилмоқда.
«ITA синамаларни узоқ муддатли сақлаш учун қўриқланадиган объектнинг қурилиш ишларини якунлади. Бу объектда Токио Ўйинлари мобайнида олинадиган барча допинг-синамалар сақланади. Махсус омборга шунингдек 2021-Ўйинлар олдидан ўтказиладиган малакавий мусобақаларда олинган синамалар ҳам етказилади. Барча допинг-синамалар ўн йил давомида сақланади. 2020 йил сентябрь ойидан бошлаб синамаларни узоқ муддатли сақлаш тизимини яратиш миллий антидопинг агентликларига ҳам тавсия этилади», – дейилади ITA ҳисоботида.
Эслатиб ўтамиз, Токио Олимпия ўйинлари 2021 йил 23 июлдан бошлаб 8 август кунига қадар бўлиб ўтади.
Фикрлар