Томас Франк келажаги ҳақидаги саволга жавоб берди!

"Тоттенхэм" бош мураббийи Томас Франк жамоанинг АПЛдаги ғалабасиз саккиз ўйинлик сериясига муносабат билдирди.

Лондонликлар навбатдаги турда ўз майдонида "Ньюкасл"га 1:2 ҳисобида мағлуб бўлди ва айни пайтда жадвалда 16-ўринда бормоқда.

"Арсенал"га қарши ўйинда ҳам жамоа бош мураббийи бўлишимга ишонаман. Бу савол тушунарли ва бармоқни менга қаратиш осон, аммо гап фақат менда эмас, бутун клуб ҳақида кетмоқда.

Мен 1000 фоизга ишонаманки, бу иш учун мосман. Шунингдек, 1000 фоизга ишонардимки, биз яхшироқ ўйнаймиз. “Тоттенхэм”да ҳам, бошқа клубларда ҳам мендан олдин ишлаган баъзи мураббийлар бошини йўқотган, аммо биз бирлашиб туришимиз ва совуққонликни сақлашимиз керак.

Маълум маънода жароҳатлардан азият чекяпмиз, буни тан олиш керак. 11 нафар футболчимиз сафдан чиққан, бугун эса 30 дақиқадан кейин Одоберни ҳам йўқотдик. Шунингдек, сўнгги йилларда “Ньюкасл” таркиби яхшироқ шакллантирилганини ҳам тан олиш керак. Демак, омиллар биз учун энг яхши тарзда уйғунлашмади. Аммо шундай вазиятда ҳам очко олиш имконияти бор эди, биз эса бундан фойдалана олмадик", — деди Франк.