Тўрт дзюдочимиздан уч нафари "Goygol Cadet European Cup" шоҳсупасига кўтарилди

Озарбайжоннинг Гёйгёл шаҳрида дзюдо бўйича ўсмирлар ўртасида штказилган Европа Кубоги 2024 мусобақаси якунига етди. 

Дунёнинг 14 давлатидан 323 нафар дзюдочи қатнашган ушбу турнирда Тоҳир Файзиев мураббийлигидаги 4 нафар кадетимиз юртимиз шарафини ҳимоя қилди. Якунда улардан 3 нафари шоҳсупага кўтарилди. 

Бугун оғир вазн тоифасидаги беллашувларда икки дзюдочимиз баҳсларга киришганди. -81 кг вазнда курашган Муҳаммадали Саъдуллаев бронза медалига сазовор бўлди. Кеча мусобақанинг илк куни Баҳром Асатов (-60 кг) олтин, Шодиёр Шавкатов (-50 кг) эса бронза медалини қўлга киритганди.