Тўрт футболчи трансферга қўйилди

Якунланган мавсумда бўш ўйин кўрсатган Лондоннинг «Челси» клуби ёзги трансферлар даврида айрим футболчилар бўйича таклифларни қабул қилишга тайёр.

Football365 нашри маълум қилишича, қуйидаги футболчилар бўйича музокараларга очиқлик билдирилган:

• Филип Йоргенсен (дарвозабон);
• Аксель Дисаси (марказий ҳимоячи);
• Алехандро Гарначо (чап қанот ҳужумчиси);
• Марказий ҳужумчилардан бири – Лиам Делап, Марк Гиу ёки Николас Жексон.

Қайд этилишича, Энцо Фернандес ва Марк Кукурельяни сотиш ҳозирча клубнинг асосий режалари қаторига кирмайди.

Шунингдек, айрим маълумотларга кўра, Хаби Алонсо Николас Жексонни ўз жамоасига қайтаришни истамоқда. Аммо бу ҳолатда “Челси” Лиам Делап ёки Марк Гиудан бири билан хайрлашишига тўғри келади.

Николас Жексон жаҳон чемпионатида иштирок этади, қолган юқоридаги футболчилар эса мундиал қайдномасига кирмагани учун уларнинг трансферлари июнь ойидаёқ амалга ошиши мумкин.