Тўрт гранд бир футболчини талашяпти

Франкфуртнинг “Айнтрахт” клуби чап қанот ҳимоячиси Натаниэль Браун Европанинг йирик клублари эътиборини тортди. 22 ёшли футболчини “Реал”, “Барселона”, “Манчестер Юнайтед” ва “Ливерпуль” жамоалари кузатмоқда.

Бу ҳақда таниқли журналист Флориан Плеттенберг хабар берди.

Германиялик футболчининг эҳтимолий трансфер қиймати 60 миллион евро деб баҳоланмоқда.

Бундеслиганинг жорий мавсумида Браун 25 та ўйинда қатнашиб, ҳимоядаги вазифаларини уддалашдан ташқари, учта гол ва тўртта голли узатма муаллифи ҳам бўлди. Унинг “Айнтрахт” билан шартномаси 2030 йил ўрталаригача амал қилади.