Тўрт нафар ўзбекистонлик ММА вакили Тожикистонда жанг қилади

Бугун, Тожикистоннинг Хўжанд шаҳрида ММА бўйича ўзига хос жанг кечаси бўлиб ўтади. Унда бир қатор ўзбекистонлик ММА вакиллари ҳам октагонга кўтарилади. 

Жумладан, Жаҳонгир Қорабоев ҳамда Фаррух Мадаминов шогирдлари Диёрбек Муталибов мезбонлар вакили Рамиз Мамировга қарши жанг қилса, Достон Исмоилов ҳам мезбон Резвон Каримовга қарши баҳс юритади. Шунингдек, Саидшерозхон Сайдуллаев тожикистонлик Азиз Ҳайдаров билан тўқнаш келса, яна бир жангчимиз Ғиёс Мирзамаҳмудов ҳам Тожикистон вакили Анвар Носиров билан жанг қилади. 

Албатта, мазкур жангларда юртдошларимизга омад тилаймиз. Шу ўринда воқеалар ривожини бизда кузатиб боринг ва тез орада жанг натижаларини ҳам эътиборингизга ҳавола этамиз!