Тўртинчи олтин медал! Бекжон Чеваров жаҳон чемпионлиги ва Токио-2020 йўлланмасини қўлга киритди

Дубайда ўтаётган Пара атлетика бўйича жаҳон чемпионатининг навбатдаги куни ҳам терма жамоамиз учун омадли бошланди.

Боиси ўзбекистонлик пара атлет Бекжон Чеваров узоқликка сакраш баҳсларида барча рақибларини ортда қолдирган ҳолда, олтин медални қўлга киритди.

Шу билан бирга ҳамюртимиз 2020 йилги Токио-2020 Паралимпия ўйинлари учун бериладиган лицензияга ҳам эга бўлди.

Маълумот ўрнида, Бекжон Чеваров 2015 йилги Жаҳон чемпионатида ҳам қатнашган ва якунда бронза медали билан тақдирланган эди.

Эътиборли жиҳати, Пара атлетика бўйича Ўзбекистон терма жамоамиси ҳозирга қадар 4 та олтин, 2 та кумуш ва 2 та бронза медаллари билан умумжамоа ҳисобида 122 мамлакат ичида 7-ўринни эгаллаб турибди.

Фикрлар

Фикр қолдириш учун авторизациядан ўтинг!