Тошкентнинг ОЧЛ гуруҳ босқич ўйинларига мезбонлик қилиш имконияти қандай?

Таниқли мутахассис Алишер Никимбаев Тошкент ОЧЛ шарқ минтақаси гуруҳ босқич ўйинларига мезбонлик қилиши мумкинлиги борасида маълумот берди. Ушбу хабарга ПФЛ бош директори вазифасини бажарувчи Диёр Имомхўжаев телеграмдаги саҳифасида пойтахтнинг бу борадаги имкониятлари хусусида тўхталиб ўтди.

- Чемпионлар лигаси шарқ минтақаси жамоаларининг марказлашган мусобақасига Тошкент мезбонлик қилиши мумкинлиги борасида хабар чиқди.

Бу масалани бир неча ҳафтадан буён муҳокама қиламиз. Унга кўра, биз фақатгина битта гуруҳ учрашувларини қабул қилишимиз мумкин. Шунда ҳам ўйинлар "Локомотив", "Бунёдкор" ва "Жар" стадионларида ўтса. Чунки "Пахтакор" ва "АГМК" Чемпионлар лигасида ўйнади, уларнинг қолдирилган учрашувлари бор. Юқоридаги уч стадион вариантида эса фақатгина "Бунёдкор" — "Қизилқум" ўйини кетма-кетлигини алмаштирсак бўлди. Яъни, биринчи учрашув Навоийда ўтади, кейин "Қизилқум" кузда Тошкентга келади.

Бироқ бунга жамоалар — "Локомотив", "Бунёдкор", "Олимпик" ҳам рози бўлиши керак. Бир тарафдан улар стадионлар учун пул ишлаб олади. Қолаверса, меҳмонхоналаримиз ҳам катта делегацияни қабул қилиш имкониятига эга бўлади. Мутахассисларимиз учун халқаро тажриба тайёр. Аммо икки гуруҳ бизни қийнаб қўяди. Чунки ўйинлардан ташқари машғулотлар ҳақида ҳам ўйлаш лозим. Мисол учун "Жар" стадиони ёритиш тизими ҳозир талаб даражасида эмас, "Олимпик" клуби прожекторларни 1 июлга қадар тўғрилаши ҳақида маълумот берган.

Бундан ташқари учрашувлар трансляцияси масаласини ҳам пухта ўйлаш керак бўлади. Иккита гуруҳ учрашувларини трансляция қилиш қийин масала. Ўзимизнинг Суперлига ташқарида қолиб кетишидан манфаатдор эмасмиз. Чунки бизнинг ҳам ҳомийлар билан келишувларимиз бор. Бунда ОФК трансляция техникасини Ўзбекистонга алоҳида олиб кирадими ёки МТРК, УзРепорт каби каналларга суянадими, бизда маълумот йўқ.

Аслида биз Чемпионлар лигасининг ўзимизнинг клублар иштирок этмайдиган мусобақасидан кўра, ўз клубларимиз иштирок этадиганини қабул қилганимиз яхши эди. Аммо "Пахтакор" мезбонликни истамади. Мезбонликни истаган "Насаф" варианти эса ОФК томонидан мақбул кўрилмади, ОФК кубоги Тожикистонга берилди, - деди Диёр Имомхўжаев. 

Фикрлар

Фикр қолдириш учун авторизациядан ўтинг!
&
Турсун Ғани
01/05/2021 23:36
АВВАЛГИ ҲОЛАТИГА ҚАЙТАРСА ЯХШИ ЭДИ. УЙ САФАР ҚИЛИБ. ҲОЗИР ҲАММАСИНИ АТТИ ҚИЛИБ ТАШЛАДИ ПАНДЕМИЯ ДЕБ ОФК.
ДИЁРНИ ФИКРИ ҚИЗИҚ ҲА ПАХТАКОР ЎЗИМИЗДА ЎТКАЗИШНИ ҲОҲЛАМАДИ,
НАСАФ ҲОҲЛАДИ Ю ОФК ҲОҲЛАМАДИ.... ҚИЗИҚ НИМАГА ШУНДАЙ ЭКАН А.