"Tottenxem" A Seriya to‘purarini o‘z safiga qo‘shib olmoqchi

"Latsio" forvardi Chiro Immobile faoliyatini "Tottenxem"da davom ettirishi mumkin.

Football London nashri tarqatgan xabarga ko‘ra, “shporlar” jarohati sabab uzoq muddat maydonga tushmagan asosiy hujumchi Xarri Keyn o‘z sport formasini tiklab olishi uchun ma’lum muddat vaqt talab etilishini inobatga olib, uning o‘rniga aynan 30 yoshli italiyalik futbolchini olib kelmoqchi.

Immobile ayni damda 27 ta gol bilan A Seriya to‘purarlar poygasida peshqadamlik qilmoqda. Uning transferi esa 40 mln evroga baholanmoqda.