
"Tottenxem" afsonasi Mourinoning murabbiylar shtabida ish boshladi
"Tottenxem" klubi afsonasi Ledli King jamoa bosh murabbiyi Joze Mourinoning shtabida ish boshladi.
“Yangi mavsumga tayyorgarlikni davom ettirayotgan bir paytda Ledlini jamoada ko‘rishdan mamnunman. U klub bilan o‘ziga xos munosabatga ega va muxlislar uning futbolchi sifatida qilgan ishini yuqori baholaydilar”, - deydi portugaliyalik mutaxassis.
King “Tottenxem” tarbiyalanuvchisi hisoblanadi. U “shporlar” safida 1999-2012 yillarda to‘p surgan. E’tiborlisi, u faoliyati davomida biror marta ham qizil kartochka olmagan.
“Tottenxem” o‘tgan mavsum APLda 6-o‘rinni egalladi va Evropa ligasi yo‘llanmasini qo‘lga kiritdi.
Fikrlar