“Тоттенхэм” бир ой ичида учта футболчи олади

“Тоттенхэм” бош мураббийи Анге Постекоглу клуб раҳбариятидан таркибни тўлиқ шакллантириш учун яна учта позицияга янги ижрочи олишни сўради.

Жамоада жароҳатланганларнинг кўплиги юқори ўринлар учун курашиш имконини бермаяпти.

The Telegraph нашрининг таъкидлашича, Анге Постекоглу биринчи навбатда ҳимоя марказини мустаҳкамлаш керак, деб ҳисобламоқда. Ҳозир бу позицияда асли қанот ҳимоячиси бўлган Бен Дэвис ўйнашига тўғри келяпти.

Бош мураббий рўйхатида икки марказий ҳимоячи – “Ницца” вакили Жан-Клер Тодибо ва “Женоа” ўйинчиси Раду Дрэгушин бор.

Шунингдек, “Тоттенхэм” учинчи футболчи сифатида ярим ҳимоячи олиб келмоқчи. Бу позицияга илгари “Селтик”да Анге Постекоглу қўл остида ўйнаган Жота танланган. Жота ҳозир “Ал-Иттиҳод”да тўп тепяпти. Бу ярим ҳимоячига Саудия Арабистони унчалик мос келади ва у имкон бўлишига Европага қайтмоқчи.