"Тоттенхэм" Дибалани қўлга киритиш учун ўзининг трансфер рекордини янгилашга ҳам тайёр

Лондоннинг "Тоттенхэм" клуби "Ювентус" форварди Пауло Дибалани сотиб олишга жиддий бел боғлади.

Daily Mail нашри тарқатган хабарга кўра “шпорлар” 25 ёшли аргентиналик футболчини қўлга киритиш учун ўзларининг трансфер рекордларини янгилашга ҳам тайёр. Аниқроғи, улар Дибала учун “кекса синьора”га 90 млн евро таклиф қилишмоқчи. Томонлар бу борада деярли бир ойдан буён музокаралар ўтказишмоқда.

Маълумот учун, Дибала ўтган мавсум “Ювентус” сафида 42та ўйинда майдонга тушди ва 10та гол ҳамда 5та голли узатмага муаллифлик қилишга эришди.

Эслатиб ўтамиз, “Тоттенхэм”нинг трансфер рекорди Танги Ндомбелега тегишли бўлиб, “шпорлар” ушбу футболчини бир йил муқаддам “Лион”дан 60 млн еврога сотиб олишган эди.