"Тоттенхэм" Эндрю Робертсонни сотиб олишга яқин

Лондоннинг "Тоттенхэм" клуби "Ливерпуль" ҳимоячиси Эндрю Робертсонни ўз сафига қўшиб олишга яқин турибди.

Инсайдер Фабрицио Романонинг маълум қилишича, "Тоттенхэм" "Ливерпуль"га расмий таклиф юборган ва музокаралар анча илгарилаб кетган.

Агар Робертсон жамоасини ўзгартирса, "Рома" Константинос Цимикаснинг ижара шартномасини муддатидан олдин бекор қилишга ва грек футболчисини Мерсисайд клубига қайтаришга тайёр.

Журналист Бен Жейкобснинг хабар беришича, шотландиялик футболчи "Ливерпуль" раҳбариятига "Тоттенхэм"га ўтиш истаги борлигини билдирган. Шунингдек, Цимикас ҳам "Рома" раҳбарларини Англия чемпионатига қайтишни хоҳлаётгани ҳақида хабардор қилган.