"Тоттенхэм" фақат бир шарт билан Бэйлни қайтариб олиши мумкин

"Тоттенхэм" шу ёз "Реал"даги собиқ футболчиси Гарет Бэйлни яна Лондонга қайтармоқчи. Бу ҳақда Football Insider нашри хабар тарқатмоқда.

Юқоридаги манбага кўра, “шпорлар” жорий трансфер ойнаси ёпилгунича 31 ёшли уэльслик футболчи масаласида мадридликларга расмий таклиф юборади. Фақат бир шарт билан. Гап шундаки, “Қироллик клуби” Бэйл маошининг бир қисмини тўлашда давом этиши керак.

Гарет “Тоттенхэм” сафида 2007-2013 йилларда тўп сурган. Шундан сўнг 101 млн евро эвазига “Реал”га кўчиб ўтган.