"Тоттенхэм" "Фулхэм"нинг 18 ёшли футболчисига қизиқиб қолди

Лондоннинг "Тоттенхэм" клуби ҳамшаҳари "Фулхэм"нинг 18 ёшли ярим ҳимоячиси Райан Сессеньонга қизиқиб қолди.

The Sun нашри тарқатган хабарга кўра ушбу футболчига шахсан “шпорлар” устози Маурисио Почетти қизиқиш билдирмоқда. “Фулхэм” эса унинг трансферини 58 млн еврога баҳоламоқда.

Маълумот учун, Сессеньон жорий мавсум АПЛда жами 31та ўйинда иштирок этди ва ўз ҳисобига 2та гол ҳамда 6та голли узатма ёздириб қўйишга эришди.