“Тоттенхэм” Ҳусановга қарши ўн дақиқа ўйнаган юлдуздан воз кечди

“Тоттенхэм” жамоаси раҳбарияти германиялик ҳужумчи Тимо Вернерни тўлиқ трансфер қилиш ҳуқуқидан фойдаланмайдиган бўлди.

28 ёшли форвард мавсум якунланганидан кейин “Оейпциг” клубига қайтиб боради.

Гап шундаки, “Тоттенхэм” тажрибали ўйинчини 2024 йилнинг бошида ярим мавсумга ижарага олганди. Кейин ёзда ижара муддати бир йилга узайтирилди.

Янги мавсумда Вернер ишончни оқлай олгани йўқ. Барча турнирларда 27 марта майдонга тушган немис футболчиси атиги битта гол урди холос. Хусусан, “Манчестер Сити”га қарши ўйиннинг охирги дақиқаларида майдонга тушган Тимо Вернер Абдуқодир Ҳусанов етакчилигидаги ҳимоя чизиғини ёриб ўтолмади.

“Тоттенхэи” бош мураббийи Анге Постекоглу ҳам унга ишонмай қўйган ва ҳужумчини оммавий тарзда кескин танқид қилган эди. Шу боис, “шпорлар” Вернерни 8,5 миллион фунтга тўлиқ транфер қилиш имкониятидан фойдаланмайди.  

“Лейпциг” эса, фаолияти ортга кетаётган ҳужумчидан тўлиқ қутилмоқчи. Сўнгги маълумотларга қараганда, Вернер ёзда АҚШнинг “Нью-Йорк Ред Буллз” жамоасига ўтиб кетиши мумкин.