"Tottenxem" "Lester"dan yarim himoyachi xarid qilmoqchi

"Lester" yarim himoyachisi Jeyms Meddisonning keyingi manzili London bo‘lishi mumkin. Unga APLning bir qator klublari qiziqish bildirmoqda. Endilikda, "Tottenxem" ham 25 yoshli futbolchini o‘z tarkibiga qo‘shib olishni istaydi. Bu haqda "Daily Mail" nashri ma’lum qildi. 

"Shporlar" ushbu kurashda yolg‘iz emas. Meddisonni sotib olishga harakat qilayotgan asosiy jamoa "Nyukasl" bo‘lib turibdi. Jeymsning "Lester" bilan amaldagi shartnomasi 2024 yilda o‘z nihoyasiga etadi. Yangi bitim tuzilmasa, klub uni yozda qo‘yib yuborishga tayyor.

"Tulkilar" ayni dam Premer-ligada 19-o‘rinda bormoqda. Kamiga, murabbiy Rojers ham ishdan olindi. Bunday holatda jamoani tark etishi mumkin bo‘lgan futbolchilar soni ortib boradi. Meddisondan tashqari, mavsum so‘nggida Tilemans ham ketish niyatida.