"Тоттенхэм" ўз стадиони номини қанчага сотмоқчи?

Лондоннинг “Тоттенхэм” клуби ўзининг янги стадиони номини сотишга жиддий киришди.

“Шпорлар” ўз аренасини 15 йил муддатга 440 млн евро эвазига сотишни режалаштиришмоқда. Бу ҳақда Telegraph нашри хабар тарқатди.

Таъкидлаш керакки, дунё спорти тарихида бу турдаги энг катта келишув Scotiabank ва Торонтонинг “Торонто Мейпл Лифс” хоккей ҳамда “Торонто Рэпторс” баскетбол жамоалари ўртасида имзоланган (19 йилга 575 млн евро).

Эслатиб ўтамиз, “Тоттенхэм” ўзининг янги стадионига жорий йилнинг март ойида кўчиб ўтди. Ушбу арена “шпорлар”га 1,17 млрд еврога тушди.