“Тоттенхэм” Премьер-лигадан тушиб кетади

Opta суперкомпьютери ҳисоб-китобларига кўра, “Тоттенхэм” 2026/27 йилги мавсум якунида Премьер-лигадан тушиб кетади.

“Тоттенхэм” янги мавсумни жуда ёмон бошлади ва дастлабки бешта турдан кейин икки очко билан Премьер-лига турнир жадвалининг охирги ўрнида бормоқда.

“Тоттенхэм” аввалги икки мавсумда ҳам Премьер-лигада 17-ўринни эгаллаган ва базўр юқори дивизиондаги жойини сақлаб қолган эди. Бироқ Opta суперкомпьютери бу сафар “шпорлар” мавсум давомида етарлича очко жамғара олмаслигини ва 18-ўрин билан Чемпионшипга тушиб кетишини тахмин қилди.

Opta томонидан ишлаб чиқилган статистик модель “Тоттенхэм”нинг Премьер-лигадан тушиб кетиш эҳтимолини 29,39 фоиз деб баҳоламоқда. Бу кўрсаткич “Фулхэм”да 42,40, “Ковентри”да эса 43,82 фоизни ташкил қилади.

Турнир жадвалининг юқори қисмида эса суперкомпьютер “Арсенал”ни биринчи ўринга қўймоқда. Ҳисоб-китобларга кўра, лондонликлар 75,91 очко билан чемпионликни қўлга киритиши мумкин. “Манчестер Сити” 75,33 очко билан иккинчи ўринни эгаллаши кутилмоқда. “Топ-5”дан шунингдек “Ливерпуль” (62,38 очко), “Брайтон” (60,18) ва “Челси” (54,59) жой олган.