"Тоттенхэм" Саудияда тўп тепаётган ҳужумчини АПЛга қайтариши мумкин

Саудия Арабистонининг "Ал-Ҳилол" жамоаси ҳужумчиси Александар Митрович "Тоттенхэм" клубига ўтиши мумкин. Бу ҳақда журналист Себастьен Видаль маълум қилмоқда.

Манбанинг хабар беришича, "Ал-Ҳилол" 30 ёшли сербиялик футболчини "Тоттенхэм"га тахминан 35 миллион евро эвазига сотишга тайёр. Бироқ, Лондон клуби учун жиддий тўсиқ Митровичнинг йиллик маоши бўлиб, у қарийб 25 миллион еврони ташкил этади.

Маълумот учун, футболчи фаолияти давомида АПЛнинг "Ньюкасл" ва "Фулхэм" клублари сафида тўп тепган.

Ўтган мавсумда ҳужумчи барча мусобақаларда жами 36 та ўйинда иштирок этиб, 28 та гол урди ва 7 та голли узатма берди. Transfermarkt маълумотларига кўра, Митровичнинг трансфер нархи 18 миллион еврога баҳоланмоқда.