"Тоттенхэм" Соннинг маошини 25 фоизга оширишга тайёр

"Тоттенхэм" Сон Хин Мин билан амалдаги шартномани узайтирмоқчи. Бу ҳақда The Telegraph нашри хабар тарқатмоқда.

Юқоридаги манбага кўра, “шпорлар” кореялик футболчи учун йилига 11,5 миллион евро маош ваъда қилмоқда. Айтиш керакки, бу унинг ҳозирги маошидан 25 фоизга кўпроқ деганидир.

"Тоттенхэм" президенти Дэниэл Лэви жамоанинг икки етакчи футболчиси – Сон Хин Мин ва Харри Кейнни таркибда сақлаб қолишни ўзининг асосий мақсади, деб ҳисоблайди.

28 ёшли Сон жорий мавсум “Тоттенхэм” сафида жами 25 та ўйинда майдонга тушди ва ўз ҳисобига 16 та гол ҳамда 8 та голли узатма ёздириб қўйди. Унинг лондонликлар билан амалдаги шартномаси 2023 йилга қадар имзоланган.