"Тоттенхэм" ва "Ювентус" ўзаро футболчи алмаштирмоқчи

“Ювентус” ва “Тоттенхэм” яқинлашиб келаётган ёзги трансферлар даврида ўзаро футболчи алмаштириши мумкин.

Tuttomercatoweb нашри тарқатган хабарга кўра, гап “шпорлар”нинг ўнг қанот ҳимоячиси Серж Орье ва “кекса синьора”нинг чап қанот ҳимоячиси Алекс Сандро ҳақида кетмоқда.

“Тоттенхэм” ўнг қанот ҳимоясига Тимоти Кастаню («Аталанта») ва Тома Меньедан (ПСЖ) бирини сотиб олмоқчи. Шу сабабли лондонликлар Орьени туринликларга бериб юборишга тайёр.