"Тоттенхэм"да Кейннинг ўрнини ким эгаллайди?

"Тоттенхэм"нинг эътибори "Штутгарт" ҳужумчиси Саша Калайжичга тушди. Eurosport тарқатган хабарга кўра, “шпорлар” ушбу футболчини яқинлашиб келаётган ёзги трансферлар давридаёқ таркибга қўшиб олмоқчи.

23 ёшли австриялик футболчи ёзда жамоадан кетиши кутилаётган Харри Кейннинг ўрнини эгаллаши мумкин. Аммо Сашани қўлга киритиш лондонликларга осон бўлмайди. Боиси ушбу футболчига "РБ Лейпциг" ҳам харидор ва “шпорлар” немис гранди билан бўладиган рақобатджа ғолиб чиқишлари керак.

Transfermarkt портали талқинига кўра, Калайжичнинг айни дамдаги трансфер нархи 17 млн еврога баҳоланмоқда.

Саша Калайжич жорий 2020/2021 йилги мавсумда “Штутгарт” сафида 30 та ўйинда майдонга тушди. У ушбу беллашувларда ўз ҳисобига 15 та гол ҳамда 4 та голли узатма ёздириб қўйди.