Тотти машҳур ҳужумчининг агентига айланиши мумкин

"Рома" клуби ва Италия терма жамоаси собиқ ҳужумчиси Франческо Тотти "Наполи" форварди Лоренцо Инсиньенинг агенти бўлиши мумкин. Бу ҳақда Football Italia нашри хабар тарқатмоқда.

Таъкидлаш керакки, бундан аввалроқ Инсинье таниқли агент Мино Райола билан ҳамкорликни тўхтатган эди. Тотти эса шахсий скаутлик компаниясини очди ва шу боис у Инсиньега янги агент бўлиши мумкин. У ўз инстаграмида ҳатто, футболчи билан келишувга эришгани ҳақида ҳам ҳазил аралаш хабар қолдирди.

Тотти бутун фаолиятини “Рома”да (1989-2017) ўтказган.