Трент Александер-Арнольд АПЛнинг энг яхши ёш футболчиси, деб топилди

«Ливерпуль» ҳимоячиси Трент Александер-Арнольд Англия премьер-лигасининг 2019/20 йилги мавсумидаги энг яхши ёш футболчиси, деб топилди.

Айтиш керакки, ушбу соврин 23 ёшгача бўлган футболчиларга берилади. Трент эса ўтган мавсум АПЛда 14 та голли узатмага муаллифлик қилди ва бу борада фақатгина «Манчестер Сити» хавбеки Кевин де Брюйнедан ортда қолди холос.

21 ёшли Александер-Арнольд овоз бериш жараёнида Жек Грилиш («Астон Вилла»), Мэйсон Гринвуд, Антони Марсьяль, Маркус Рэшфорд (барчаси – «Манчестер Юнайтед»), Дин Хендерсон («Шеффилд Юнайтед»), Мэйсон Маунт ва Кристиан Пулишич (иккаласи – «Челси») каби футболчиларни ортда қолдирди.

Ушбу овоз бериш жараёнида АПЛнинг 20 та клуби сардорлари, экспертлар ва мухлислар иштирок этди.