ЦСКА собиқ футболчиси Файзуллаев ҳақида: "Клуб уни сотиб тўғри йўл тутди"

ЦСКАнинг собиқ ярим ҳимоячиси ва телеэксперт Александр Гришин ЦСКА ва Ўзбекистон миллий жамоасининг 21 ёшли ҳужумкор ярим ҳимоячиси Аббосбек Файзуллаевнинг Туркиянинг "Истанбул Башакшеҳир" клубига ўтиши ҳақида гапирди.

"Бир схемада у зўр ўйнади, Николич даврида эса, ўз позициясида ўйнай олмади ва мавсумни ёмон ўтказди. ЦСКА жуда яхши ишлади. Айтишларича, футболчини энг юқори пик даврида сотиш керак экан. У учун 500 минг тўладик, 7 миллионга сотдик - бу клуб учун ажойиб трансфер", - деди Гришин "Матч TV" телеканали эфирида.

Аввалроқ ЦСКА коммуникациялар бўйича директори Кирилл Брейдо Аббосбек Файзуллаев эҳтимолий трансфер олдидан тиббий кўрикдан ўтиш учун Туркияга учиб кетганини маълум қилганди. 2024/2025-йилги мавсумда футболчи барча мусобақаларда "қизил-кўклар" сафида 39 та ўйин ўтказиб, учта гол урган ва саккизта голли узатмани амалга оширган.