Туринда Пирлонинг қизи аварияга учради
Ads

"Ювентус" клуби собиқ ярим ҳимоячиси Андреа Пирлонинг қизи Анжела йўл транспорт ҳодисаси иштирокчисига айланди.

Football Italia нашри тарқатган хабарга қараганда 13 ёшли қизчани автомобиль уриб юборди. Ушбу авария Турин шаҳрида содир бўлди.

Маълумотларга қараганда Андела дарҳол шифохонага олиб борилган ва айни дамда унинг ҳаёти хавф остида эмас.

Эслатиб ўтамиз, 40 ёшли Пирло фаолияти давомида "Брешия", "Интер", "Режина", "Милан", "Ювентус" ва "Нью-Йорк Сити" каби жамоаларда тўп сурган. У 2017 йилда бутсаларини михга илган эди.