Турк клуби “Рома” билан музокара бошлайди

“Рома” раҳбарияти қишки трансферлар даврида бир неча футболчи, хусусан, нидерландиялик ҳимоячи Рик Карсдорп билан хайрлашишга қарор қилган.

27 ёшли футболчига ҳозирнинг ўзидан бир неча даъвогар чиқди. Улардан бири Туркиянинг машҳур клуби “Фенербаҳче”дир.

Corriere dello Sport нашрининг хабар беришича, турклар тез орада “Рома” мутасаддилари билан музокара бошлайди.

Рим клуби спорт директори Тьягу Пинто бош мураббий Жозе Моуриньо билан келиша олмай қолган Рик Карсдорп тўлиқ сотиб юборилишини билдирган.

Карсдорп жорий мавсумда 11 маротаба майдонга тушиб, жами 684 дақиқа ўйнади. “Рома” унга 10 миллион евро миқдорида нарх белгилади.