Turkiya O‘zbekiston va boshqa jamoalarga qarshi o‘yin uchun "Milan", "Everton" klubidan futbolchilarni jalb qildi

Xabaringiz bor, bir necha kundan so‘ng FIFA kunlari start oladi. Unda O‘zbekiston milliy terma jamoasi 2 iyun kuni Turkiyada mezbonlarga qarshi o‘rtoqlik uchrashuvi o‘tkazadi. 

Mazkur o‘yin va boshqa raqiblarga qarshi bellashuvlar uchun Turkiya terma jamoasi ustozi "Milan", "Everton" va mahalliy jamoalardan "Beshiktosh" klubilari sharafini himoya qiladigan futbolchilarni jalb qildi. Ro‘yxatda jami 33 nafar o‘yinchi bor.

Ma’lumot o‘rnida, turkiyaliklar 30 may kuni Gretsiya, 2 iyun O‘zbekiston, 8 iyun Frantsiya va 11 iyunda Islandiya bilan kuch sinashishadi. Bulardan ikkitasi rasmiy yana shunchasi o‘rtoqlik o‘yinlaridir.