Туркия Суперлигаси. Алиқулов жароҳат олган ўйинда “Ризеспор” мағлуб бўлди

Туркия Суперлигасининг 18-турида “Гёзтепе” ўз уйида “Ризеспор”ни 3:1 ҳисобида мағлубиятга учратди. Ушбу беллашувда меҳмонлар таркибида асосий таркибда майдонга тушган ўзбекистонлик ҳимоячи Ҳусниддин Алиқулов 75-дақиқада жароҳат олиб, майдонни тарк этди.

Шунингдек, Алиқулов ўз жамоаси дарвозаси томон пенальтига сабабчи бўлди ва уни Лачи голга айлантирди.

Маълумот учун, “Ризеспор”нинг жамғарган очколари сони 18 тани ташкил қилади ва жамоа турнир жадвалида 12-ўринда бормоқда.