Туркия Суперлигасиниг навбатдаги тур баҳслари қачон бошланади?

Туркия Суперлигасининг навбатдаги 23-тур ўйинларига 20 февраль куни старт берилади.

Эртага бошланадиган 23-тур баҳсларини Ҳусниддин Алиқулов тўп тепадиган "Ризеспор" жамоаси ўз майдонида "Кожаэлиспор"га қарши ўйин билан бошлаб беради. 21 февралда эса яна икки ўзбекистонлик футболчи ҳаракат қиладиган "Истанбул Башакшехир" "Аланяспор" меҳмони бўлади.  Беллашув Тошкент вақти билан 18:00да старт олади. Шу куннинг ўзида чемпионат етакчиси "Галатасарой" сафарда "Коняспор" билан куч синашади. Ушбу ўйин 22:00да бошланиши режалаштирилган. Турнинг марказий баҳсида "Бешиктош" ва "Гўзтепе" жамоалари майдонга чиқади. Чемпионлик пойгасида иштирок этаётган "Фенербахче" жамоаси эса ўз уйида "Касимпаша"ни қабул қилади. Бу беллашув 23 февраль санасида ўтказилади.

Маълумот учун, Туркия Суперлигасида "Галатасарой" жамоаси 55 очко билан етакчилик қилмоқда.