Турклар “Челси” таклифини ерда қолдирди

“Челси” мутасаддилари ортиқча ўйинчилардан қутилиш мақсадида ўзларига керак бўлмай қолган футболчиларни бошқа клубларга таклиф қиляпти.

Клубдан кетиши кутилаётганлардан бири Бен Чилуэллдир. Бош мураббий Энцо Мареска бир неча марта бу ҳимоячи ўзига янги жамоа топиши кераклигини таъкидлаган эди.

Яқинда “аристократлар” Бен Чилуэллни Туркия Суперлигасининг уч клуби – “Галатасарой”, “Фенербаҳче” ва “Истанбул Башакшеҳир”га ўтказмоқчи бўлди.

Sports Digitale нарининг ёзишича, Чилуэлл бирорта жамоада қизиқиш уйғотгани йўқ ва турклар англияликлар таклифини ерда қолдирди.