"Турон" "Қўқон-1912" ҳужумчисини ўз сафига қўшиб олди

Ўз олдига Суперлигага чиқиш вазифасини қўйган Яйпаннинг “Турон” жамоаси ўз сафини кучайтиришда давом этмоқда.

Яқинда ҳимоячи Шукур Пўлатов билан шартнома имзолангани ҳақида хабар бергандик. Энди эса “Турон” жамоаси “Қўқон-1912”дан Отабек Ҳайдаровни таклиф қилган ҳолда у билан ҳам битим тузди.

Ўз навбатида, қўқонликлар ушбу футболчининг клубдан кетганини расман эълон қилди. “Турон” эса Ҳайдаров орқали ҳужум чизиғини янада кучайтиришни мақсад қилган.