“Турон” клуби Тошкентдаги йиғини доирасида сўнгги назорат учрашувини “Машъал” жамоасига қарши ўтказиб 2:1 ҳисобида ғалаба қозонди.

Аввало таркибдаги ўзгаришларга тўхталсак, “Турон”га болқонлик ҳимоячи Даян Поньевич таклиф қилинди. Тез орада у билан шартнома имзоланиши мумкин. Шунингдек, жанубий кореялик По Ёнг ҳам кўрикдан ўтиш учун жалб этилди. Энди “Машъал” билан беллашувга келсак, Музаффар Музаффаров ва Билол Тошмирзаевнинг киритган голларига муборакликлардан Хумоюн Муртазоев бир бор жавоб қайтарди.

“Турон” таркиби: Ислом Абдуллаев, Жаҳонгир Меҳмонов, Ғиёс Комилов, Абдуқаҳҳор Ҳожиакбаров, Ғолиббек Сарибоев, Даврон Умиров, Музаффар Музаффаров, Синиша Бабич, Абдураҳмон Абдулхақов, Дониёр Исмоилов, Асилбек Қаюмов.

Захирадан майдонга тушганлар:  Акмал Ортиқов, Исмоил Охунжонов, Даян Поньевич, Достонбек Мелиқўзиев, Аслиддин Тоштемиров, Билолхон Тошмирзаев, По Ёнг, Жасур Хакимов.

“Машъал” таркиби: Ботир Носиров, Зоир Турсунов, Жамолиддин Убайдуллаев, Сирожиддин Аллаев, Аббос Шодмонов, Сардор Абдураимов, Самандар Шукуриллаев, Самуэль Онониву, Уильямс Укеме, Ифиани Ифиани,  Хумоюн Муртозаев.

Шу билан “Турон” жамоаси қисқа муддатли танаффусга чиқди. Навбатдаги йиғин 19 февралдан яна Тошкентда давом эттирилади. Мазкур йиғин доирасида футболчиларни ЎзПФЛ рўйхатидан ўтказиш, шунингдек тиббий кўрикни ташкил этиш ишлари амалга оширилади.

Бундан ташқари, Тошкент шаҳридаги навбатдаги йиғин давомида "Бунёдкор" ва "Сўғдиёна" клублари билан назорат учрашувларини ўтказиш режалаштирилмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар