Турсуной ғалаба қозонди ва яна бир лицензия қўлга киритилди!

Иорданиядаги бокс бўйича лицензион турнир ҳал қилувчи паллага етиб келди. Бугун, ушбу турнирнинг сўнгги куни. Хабарингиз бор, турнирнинг якуний кунида 4 нафар ҳамюртимиз рингга кўтарилади. Биз кутган жангларнинг дастлабкисида -51 кг вазн тоифасидаги вакиламиз Турсуной Раҳимова Токио Олимпиадаси лицензияси учун ўтиш босқичида иштирок этди. У таиландлик Ютумас Житпонг билан рингга кўтарилди. Ушбу қарама-қаршилик ғолиби Токиода бўлиб ўтадиган ёзги Олимпиадага йўлланмани нақд қилар эди.

Ажойиб ҳаракатлари, аниқ зарбалари билан вакиламиз жанг тақдирини ўз фойдасига ҳал қилди ва делегациямизга яна бир йўлланмани тақдим этди.