Тухель “Арсенал” муаммоасини ҳал қилиб беради

“Арсенал”да етакчи ҳужумчи Пьер-Эмерика Обамеянг борасида муаммо келиб чиқди. Тажрибали футболчи ички-тартиб қоидаларни бузгани учун сардорлик мақомидан айрилди, бундан ташқари кетма-кет иккита учрашувда қайдномага киритилмади.

Бу муаммоага “Челси” бош мураббийи Томас Тухель эътибор қаратди.

Гап шундаки, Обамеянг  германиялик мутахассис қўл остида “Боруссия Д” жамоасида порлаган эди.

- Мен Обамеянг билан гаплашиб кўраман. У мен учун муҳим ўйинчи бўлган ва ҳозир ҳам яхши муносабатлар сақланиб қолган. Бунақа аҳволга тушиб қолганига ачиняпман. Агар унинг ижобий характери ва маҳоратини инобатга олсак, бундай бўлиши керак эмасди. Умид қиламанки, у яхши одатларини йўқотмаган.

Мен уни ҳамон ҳурмат қилишимни, бўлган воқеалар унга муносабатимни ўзгартирмаслигини изҳор қилмоқчиман, - деди Томас Тухель.

Эслатиб ўтамиз, габонлик ҳужумчи Франция истиқомат қиладиган онасини кўриш учун бориб, клуб белгилаган вақтда ортга қайтмагани муаммоларни келтириб чиқарган.