Тухель "Бавария"ни бошқарган энг ёмон мураббийлардан бири бўлиб тарихга кирди

Томас Тухель "Бавария" бош мураббийи сифатида ўйинларнинг деярли чорак қисмида мағлуб бўлди. 

Бундеслиганинг 27-турида "Боруссия" билан учрашув унинг мюнхенликлар бош мураббийи сифатидаги 50-ўйини бўлди ва мазкур беллашувда у ўзининг клубдаги 12-мағлубиятини қабул қилиб олди. 

Тухель ўтказилган учрашувларнинг 24 фоизида мағлуб бўлган. Бу Сёрен Лербидан (1991-1992) кейинги энг ёмон натижа бўлиб, унда "Бавария" ўз ўйинларининг 41,2 фоизини ютқазган.