Тухель: Биз футболчиларни "ўлдиряпмиз"

ПСЖ бош мураббийи Томас Тухель "Нант"га қарши ўйин олдидан ташкил этилган матбуот анжумани чоғида жамоаси билан дуч келаётган тиғиз тақвим ҳақида тўхталиб ўтди:

"Биз футболчиларни ўлдиряпмиз. Мен буни доим айтиб келганман. Нега ўлдиряпмиз? Сабаби футболда машғулот, ўйин ва натижа кетма-кетлиги мавжуд. 

Футболда бу каби тинимсиз беллашувларда майдонга тушиш жуда кўп кучлиларнинг синишига сабабчи бўлган. Улар халқаро танаффусда терма жамоалар таркибида ҳам ўйнашга мажбур ва янада ёмони, узоқ сафарларни амалга оширишларига тўғри келади. Уларда тикланиш учун жуда кам вақт бўляпти. Машғулотлар орқали тикланмас экансиз, жароҳатлар ҳам кўпайиб бораверади. 

Ҳаммада ҳам бир хил вазият, биз баҳона қилмоқчи эмасмиз. Ушбу муаммонинг ечимларини излашда давом этамиз", - дейди Тухель.