Тухель "Челси"дан истеъфога чиққан вазиятни эслади

"Бавария" бош мураббийи Томас Тухель "Боруссия" билан ўйиндан олдинги матбуот анжуманида "Челси"дан қандай қилиб кетгани ҳақидаги саволларга жавоб берди. 

"Бу жуда ғалати ҳодиса бўлган. Эрталаб соат саккиз эди. Тахминан 3 ёки 5 дақиқани ичида ҳаммаси ҳал бўлиб кетди. Мен ҳам кўп гаплашадиган кайфиятда эмасдим. Катта ютуқларга эришишимизга ва узоқроқ қолишга ишонган эдик,"  - деди германиялик мутахассис. 

Тухель Лондон клуби билан Чемпионлар лигасида зафар қучди. Янги раҳбарият уни мавсум бошида ўз ишидан озод қилди ва Грем Поттерни олиб келди. Англиялик мураббий қўл остида жамоа АПЛда 10-ўринда бормоқда. ЕЧЛда эса чорак финалда "Реал"га қарши майдонга тушади.